Tsapter 2 : Ang baso mo

Magulong araw. Di malaman kung tutuloy ba o aatras. Late na nagising at hindi pa ganap na handa ang requirements. Ang taong dapat kasama sa pag aapply, di pala qualified, kasi lalaki ang hanap nila. Kaso matigas ang ulo, malakas ang loob.,,kabataan nga eh. Kaya ayun, kumasa pa rin.



Nagkita kami ni Meren sa isang lugar na madaling puntahan. Madaling makita. Pero di alam ng manong driver ng FX sa na sakay ni Meren. 711 Araneta avenue ang meeting place. Oras? Bahala na, kung anong oras dumating dun. Pupuntahan? Sa Timog Office ng Birds International. Ano ang inaasahan? Trabaho.



Kaya ayun na nga, tumungo na kami sa nasabing opisina. Hindi man namin alam pumunta, nakaisip din kami ng paraan. MRT, isang istasyon lang. Bumaba kami sa GMA Station. Cool. Artista. Kaso wala. Sa isang lugar kami napunta, maraming traktora, maraming kagamitan sa construction. Walang ibon. Posible kaya na ito yung pinuntahan namin. As it turns out, oo. Pinapasok kami sa mala kuta ng sindikatong area kung saan kumakain ang ibang empleyado. Dun kami binati ng HR Staff na si Ms...nalimutan ko ang pangalan, basta alam ko may edad na siya. At ng isa pang hopeful na magkatrabaho na si Melvin Gondanar.

Si Melvin, graduate siya ng GAUF (na ngayon ay kilala na bilang DLSAU). Wow.. Schoolmates kami.. Mraming kwento kung saan halos isang daang porsyento dito, siya ang bida. Mga achievements niya sa sales, mga pinalakas niyang kompanya. Natanong ko sa sarili ko..bakit ka naghahanap ngayon ng trabaho...? At sumagot siya "Nagkaron kasi ng problema". Ang daming kwento pero nung binanat na niya yun, di na ulet nag kwento. Ako na ngayon ang nag imbestiga.

"Anong org mo?" - Saver daw. Patay. -100 points ka na kagad sa akin manong.
"Licensed knb?" - Hindi pa raw, nung gumradweyt daw kasi siya, BIGLANG nabuntis yung asawa niya. Take note...BIGLA. Nasa isip isip ko. Amp to, mabubuntis ba yun kung wala kang ginagawa dun, kamote. pero pinagdildilan niya. BIGLANG nabuntis yung asawa niya. May magic.. May stork.. Bigay cgro ni Santa Claus.



Ayun, after kumain. Kinasa na kami sa iba't ibang uri ng pagsubok. As usual, i aced most of them. Bwahaha.. Si Melvin..ayoko nang mag comment.

Humantong na sa interview. Kinakabahan kami pareho pareho, si Meren ay sa ibang departamento napunta, pero ayun. Kakasahin niya raw. Inusukan na ni Sir AM ang kwarto. It's party time.

Ang interview ni Meren. Tumagal LAMANG ng 1 at kalahati. Ewan ko ba kung ano nang pinagawa sa kanya dun. Ginawa atang manok. Pero pag labas niya, pagod at may oras na ng unang pasok.

Ganun din ang nanyari sa akin, kinutya ang grades ko. Masaya na raw ako sa tres. Eto lang daw ang kaya ko, eto lang ang goal ko. MGA tres. Nag aral din daw siya, pero hindi raw ganun. Sa ATENEO (eskwelahan ng mga diyos) daw siya nagaral. Ganito rin lang daw gagawin ko sa kompanya niya, magpapabanjing banjing. Hindi ko raw gagawin ang tama, pupunta daw ako sa madali....sa mali. Tinanong kung taga saan ako, nung nalamang taga tondo ako, lalong ginanahan.. kumana ng kung ano ano sa tondo. SADLAK daw sa hirap ang mga tondo, MASASAMANG tao daw mga taga dun, maiitim daw ang budhi, mga magnanakaw daw. Ganun din daw ako, wala raw akong iniba sa mga tao dun.

Sa kalagitnaan ng usok, mga larawan ng ibon, mga gintong tropeyo at isang malaking santo nino sa opisina na yun, nagsisimula na akong mainis. Gusto ko nang sagutin. Pero di natapos dun si Sir AM. Eto ang di ko malilimutang banat "Kung baga sa baso HA?, ang baso mo maliit HA?, maliit ang kapasidad HA?. Konting tubig lang ang pwedeng ilagay sayo HA?. Mabagal ang utak HA?. Ayoko ng bababagal bagal ang utak HA?, gusto ko mabilis HA?, lakihan mo ang baso mo HA? Sumabay ka sa amin. HA? Sige, susubukan kita".



Monster Inc. na buhay. Tanggap ako. Di ko alam kung endurance test lang yun o ano. Basta, bwisit ang naramdaman ko nun. Mas mabigat pa sa excitement sa pagkatanggap sa unang trabaho. Dapat pala nun pa lang umatras na ako. Di na sana humantong sa ganito.

Tsapter 1 : Even Before the first day

Malamig ang umaga. Mainit ang tubig. Sigurado ako maya maya lang mainit na ang environment, ang buong paligid. Dahil lang ba sa takteng climate change o summer lang talaga ngayon? Oo. Summer ngayon.


Lahat ng estudyante nagpapahinga. Last weeks of summer na. Tapos na summer classes. Masaya na lahat. Gimik, ales, swimming, inom..lahat ngayon nanyayari. Maliban lang sa mga nag aaral sa MAPUA (na ngayon ay Malayan University na...hmmm).

Bakit maaga ako gumising ngayon? Hindi dahil sa dun ako sa nabanggit na unibersidad nag aaral. Biktima ako ng PMA. Ang dreaded statements ng mga magulang na kinapos ng pera. "Pahinga muna anak".



Bakit nga ba ako PMA. Kung tutuusin kaya naman. Mejo mahina nga lang ang tubigan (Tubigan ang negosyo ng pamilya. Mas kilala sa tawag na Forest Hills). Kung pipilitin kaya naman. Kaso kagagaling lang ulit ospital ng tatay ko. Kung pipigain kaya naman. Nangangantsaw na panganay namin. Kung kukutkutin pwede naman. Kaso ayoko nang mahirapan masyado ang nanay ko.

Kaya nag apply ako sa isang kompanya. BS Biology, BS Agriculture, BS Forestry or D.V.M. (Doctor of Veterinary Medicine) ang hanap. Ayos. Pasok ako sa BS Bio...mejo pasok na rin sa DVM. Mejo lang.

Bakit nga ba BS Bio? Ewan ko ba. Nung grade 5 kami, accelerated class ako. Isa sa mga mapapalad at "matatalino" na maaring mag skip ng grade 4. Laki ng nawala sa akin. Di ko na experience ang grade 4...kulang ako ng dikit dikit units at print sulat units. Pero ayos lang yun, bata pa ako..alam ko nang pang Doctor's Orders ang sulat ko. Ang pinaka pinagsisisihan ko sa pag iiskip ng grade 4? Yung grade 4 pad.. Ang cool kaya ng itsura nun. Walang katulad ang putol. Unique. Sayang di ko na experience.

Nung panahon ng grade 5 ko. Pinagawa kami sa home room ng isang maliit na proyekto. Pinagdala kami ng mga Cut outs ng aming mga mukha. Ulo lang. Mejo freaky, pero sumunod naman ako, may mga kaklase nga lang akong hindi. Imbis na ulo nila ang dala eh, ulo ni Voltes 5, Maskman (Red o Black) at meron pa akong nakitang may dala ng ulo ni Shaider. Napagalitan sila. Pero gumawa ng paraan si Mam Acosta. Kinuha na lang yung picture nila sa class char.

At kung tatanungin mo kung para san ba ang mga ulo na ito..? Ang proyekto ay may kaugnayan sa tanong na marami na sa atin ang nakarinig. "Anong gusto mo paglaki mo". Pinapaguhit sa amin ang gusto naming gawin, ilalagay ang ulo sa larawan, at siyempre ialalagay sa class bulletin board para maipakita sa lahat ang mga panget naming guhit at mga kung ano anong mukha. Hinayang na hinayang yung mga kaklase ko na nakumpiska yung shaider at maskman. Yun daw kasi pangarap nila paglaki.


Habang iginuguhit ng mga gustong mag "BS Pilot" ang mga eroplano nila na sa ibabaw sila nakasakay, at dinodrowing ng mga gustong mag "Model Course" ang rampa nila na parang letter 'T' na malaki at kinukulayan ang mga isda at gulay ng mga gustong maging tindero at tindera sa palengke. Kami ni Silvino (di ko malilimutan tong ungas na to, sinuntok ko to nung tumira ng diagonal sa Scrabble eh..dumbshit. PERO AKO ANG UMIYAK), ang dinodrawing, isang laboratoryo. May hayop, may halaman, at pilit na drawing ng double helix para sa 'DMA' namin, at siyempre hindi mawawala ang Microscope at Petri Plates sa drawing (na iilan din sa mga pambato ko spelling gawa ng kakapanood ng Discovery Channel). Oo...noon pa man.. BS Biology na ang nakasulat sa drawing na yun.

Bakit nga ba. Kakanood ng Discovery Channel? Animal Planet? Nickolodeon at Cartoon Network?. Iba talaga fascination ko sa buhay noon pa man. Weirdo nga raw ako nung bata...hanggang ngayon din naman eh.

Nung highschool, na inlove ako sa genetics.. Naimpluwensyahan ukol sa medisina ng hayop. Pero ang talagang nagtulak sa akin? Ang pagkamatay ng tatlong pinaka mamahal kong alaga. Si 'Aso' ang Indian Ringneck ko (Recently ko lang nalaman na yun pala siya). Si 'Jet' ang Golden Retriever ko, na namatay dahil sa tangnang brain tumor. At ang pinaka masakit ay nung kinuha na sa akin si 'Greenwich' na inakay pa lang ay alaga ko na. Namatay siya sa kamay ko sa hindi malamang dahilan. Dinala ko siya sa iba't ibang vet. Naka tatlo ako. Inistorbo ko ang driver namin. Nabahala ang buong pamilya, parang bunsong kapatid na namin si Greenwich. Dun na kumagat sa akin. Kailangan kong maging Doktor ng hayop. Kailangang lahat ng pasyente tatanggapin ko. Di na ulit mangyayari ito sa isang batang may alagang gustong mabuhay.

Sa college merong tinatawag na 'first', 'second' at 'third' choices sa pipiliing kurso. Ang nilagay ng tatay ko 'Business Admin' , 'Com Sci' at 'MedTech + MedProper'. Nakipagtalo ako. Nauwi sa iyakan, dabugan, pero kinabukasan, napalitan.. Nasunod din ang gusto ko.. BS Bio, DVM, ComSci.. pwede na. Kaso di ako pumasa ng UPCAT. Nadale rin ako ng cut off para sa recon sa DVM. Ayaw din naman kasi nilang pumayag na mag board ako. Ayoko rin naman eh. Baka sa kung saang kangkungan ako mapulot.

Kaya sa PLM ako nauwi. BS Bio, tagumpay. Flying Colors. Ewan ko ah. Mas mahirap para sa akin yung PLMat pero maganda score ko dun. Kamoteng UP yun. Sila nawalan.

BS Bio nko. Nagaral..este,, pumasok. Nakagradweyt. Tumuloy ng Vet med, hindi natapos..May plano bang bumalik? MERON! gustong gusto.. Pero ibang kabanata yun. Maaga ang pasok. Dapat before 7 nasa Timog nko. Ihahatid pa nila ako sa Impyerno.

Prologue

Maraming kwento sa mundo. Bawat tao dito, may tinatago, hinahayag at kinukwentong kwento. Kwento ng buhay, kamatayan, pag-ibig, o kung ano mang ideya ang pumasok sa ating mga isipan. Pag-iisip ukol sa pag aaral, pamilya o sa trabaho.

Ang kwentong ito ay nagsimula sa pinakasimula pa, sa simulain ng mga simula noong di pa nasisimula yung simula ng sinimulang kwnto. Sa manila zoo.

Magkakasama noon ang mga miyembro ng PSWRC. Masaya.. Andun si Cate, at yung mga 3rd year na hindi ko makabisado yung mga pangalan...basta ang naalala ko andun yung kamukha ni Ervin.


Si Ervin ay isa sa mga kaibigan ko sa DLSAU. Description?? Mukhang mabait naman. Malaking lalaki na mahaba ang buhok at buhaghag, may mga matang nanlilisik na tila baga'y sa mga taong holdaper o mamamatay tao. Merong nakakatakot na mga bisig na kayang bumali ng buto ng bata sa loob lamang ng ilang segundo. Ayun.. Mabait nga. Mahilig nga lang mamitik ng gamit ng may gamit gaya ng cellphones, pera, alahas, 'FIRE EXIT' signs at iba pa.. Minsan ngang dumaan kami sa likod ng grand central eh...pinapapili niya ako ng bagong bag sa di ko malaman na dahilan. Nung minsang nag 'shopping' siya sa national bookstore ay parang random items (note book, isa pang maliit ng notebook, iba't ibang brand ng ballpen, sticky notes) lang ang nabili niya kasama ng librong 'Breaking dawn', sabi niya binayaran niya.,pero ewan ko lang ah.. May mga kung ano anong mga bagay na nakalagay sa bag niya..meron pa ngang buhok ng tao sa garapon...

Ngayon, tuloy ang kwento. Kasama namin nung araw na yun ang bagong member namin na hindi naman talaga bago na si Jasmin Meren na nung pagkakataong iyon ay kakaresign lang sa kanyang pinagtatrabahuang call center. Pareho kami ng problema, pareho na kaming bum. Mejo wala ako sa mood mag aral this sem, at sa hindi kasorpresorpresang pangyayari 'ok' lang sa nanay ko. (bawas gastos daw). Naisip kong magtrabaho, at ayun..Umiilaw sa Jobstreet.com na parang bulaang propeta. Birds International.

Hindi ako nag atubili. Niresearch ko ang ukol sa kompanya. Nagtanong tanong sa mga kakilala kong Bird Enthusiasts ukol dito. Pero wala silang ideya.

Kaya inaya ko si Meren may apply. Di ko namalayan na yun na ang simula ng pagpasok ko sa madilim na mundo ng BII...dum dum dum (background music)..

Pagdilat ko... Bakit ikaw?

Malalim lalim na ang gabi. Di pa rin ako makatulog. Lakas ng kape...Lakas ng Cobra..Pag meron ka nito wala kang tulog (pun intended).. Bukas trabaho na naman. Bukas maraming gagawin. Bukas maraming ipapaliwanag...Sana nawa'y wag akong mamura ni Mam Gina.


Halos isang buwan nang ganito. Mahirap, nakakapagod..ok nrn. May pera. Tuwing umaga ay ingay ng mga macaw ang umuulirat sa akin. Amoy ng bagong power spray na mga dumi ng ibon at bagong halong seedmix at special salad ang tumatambal sa aking mga ilong. Ilang beses ko rin na tinanong ang sarili kung bakit ba ako nandito.. Nung nakita ko na yung mga ibon. Nakuha ko na kagad ung sagot ko.


Hindi ko matatawag na mabait ang aking mga sinusunod. Minsan irrational at kakaiba ang instructions..pero kailangang sundin. Minsan unfair at unreasonable ang pagpapagalit, pero kailangang lunukin. Minsan sobra na ang pinuputak na salita pero para kang manok na tuka pa rin ng tuka sa lupang hindi binabahayan ng bulate.


Ito ang buhay ko sa BII...

Wala na si Marvin at Razel, medyo matahimik na sa opisina. Wala nang makulet na bisaya, wala nang timid na tagalog. Wala nang mangaagaw ng ulam, at wala na yung nagbabaon ng corned beef. Natira sa akin si Ronel..Cum Laude (?)...hirap turuan, hirap pasunurin. Maraming tanong na nonsense. May mga nakakaligtaang may sense. In other words, isang taong hindi kailanman feasible na ipartner sa akin. Kasi kahit na di ako organized, organized ako mag isip..


Pero sabi nga ni Boss, maliit ang kaligayahan ko HA. Masaya na ako sa tres HA. Masaya na ako sa average HA. Walang lugar sa akin ang pag asensyo HA. Kumbaga sa baso eh,, maliit ang baso ko HA, maliit ang kapasidad. Magshoshortcut daw ako, dun daw ako sa madali, at hindi sa tama HA. POT&ngIn@!


Darating nga rin ang ligaya. Babalik din ang masasayang araw, aalis din ang kamoteng unos.

Nagset ako ng araw para limutin muna ang trabaho. Isang araw kasama sana ang espesyal na tao sa buhay ko. Pero hindi pala ako espesyal sa kanya. Balewala ang efforts ko. Kaya ayun, bandang huli, nagkabadtripan lang. Nagkainisan. Nagkaiwanan.


Magulo isip ko ngayon. Siguro kaya hindi ako lumaki, kasi iwan ako sa past. Parang umaandar ang buong mundo, pero ako ipit pa rin sa isang time line na hindi ako makaalpas. Kaya naman nag pray ako...pagdilat ko..sa dami dami ng taong pwedeng makita si MCE [hulaan nio!] ang nakita ko. Hindi ko malaman kung siya ba ang sagot kasi hindi kami 'ok' ngaun. pero bahala na, it happens..



Panahon na naman ba ng pag ibig? naririnig ko lagi ang kanta na yun pag naalala kita. Yung mga memories natin, kahit maikli..parang kahapon lang nanyari, napaka vivid pa rin sa memory ko. At ikaw pa rin ang hinahanap ng utak ko pagdating sa intellegent conversations..napaka scientific mo kasing tao.. kung magkakausap lang tayo ulit ng maayos..makikita mo ang pinagbago ko.. iniisip ko rin ang pinag-bago mo.. hindi kasi ikaw yung tipong namumulot ulit ng itinapon nang papel...ikaw yung tipong naghahanap ng bagong susulatan. pero kung magbago isip mo...pulutin mo ulit ako. marami pang espasyo tong scratch paper na ito para pag sulatan ng magagandang alala.


nakita ko yung blog mo. Cool..kaso hirap basahin ng fonts (dont take this hard if your reading this...haha).

Kailangan na talagang magpa antok. Bukas, bahagi na ulit ako ng bulok na sistema, Stay in, Nest inspection, Egg pull out at ciempre punching bag ng mga boss.

"Magiging maayos din ang lahat, mawawala din ang kamoteng unos"